កម្ពុជានឹងធ្វើជាម្ចាស់ផ្ទះរៀបចំ មហាសន្និបាតក្លឹបឆ្នេរសមុទ្រស្អាតបំផុតលើលោក នៅឆ្នាំ២០២២

កម្ពុជានឹងធ្វើជាម្ចាស់ផ្ទះរៀបចំ មហាសន្និបាតក្លឹបឆ្នេរសមុទ្រស្អាតបំផុតលើលោក នៅឆ្នាំ២០២២

(ភ្នំពេញ)៖ រាជរដ្ឋាភិបាលកម្ពុជា នាថ្ងៃទី១១ ខែធ្នូ ឆ្នាំ២០១៩នេះ បានផ្ដល់គោលការណ៍ឱ្យក្រសួងទេសចរណ៍ រៀបចំមហាសន្និបាតក្លឹបឆ្នេរសមុទ្រដែលស្អាតបំផុតលើសកលលោកលើកទី១៥ នាឆ្នាំ២០២២ ខាងមុខនេះ ក្នុងនាមជាម្ចាស់ផ្ទះ និងជាសមាជិកក្លឹបឆ្នេរនេះ។

នាឱកាសមហាសន្និបាតក្លឹបឆ្នេរសមុទ្រ ដែលស្អាតបំផុតលើសកលលោកលើកទី១៥ នាអំលុងខែតុលា ឆ្នាំ២០១៩ នៅទីក្រុងឆ្នេរសមុទ្រតូយ៉ាម៉ា ប្រទេសជប៉ុនកម្ពុជាក៏ត្រូវបាន អង្គមហាសន្និបាតបោះឆ្នោតជាឯកច្ឆន្ទផ្តល់សិទ្ធិឱ្យធ្វើជាម្ចាស់ផ្ទះជាលើកទី២ ដើម្បីរៀបចំមហាសន្និបាតនេះផងដែរ បន្ទាប់ពីលើកទី១ ត្រូវបានរៀបចំនៅឆ្នាំ២០១៣ ក្រោមអធិបតីភាពសម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា។

ឆ្នេរសមុទ្រកម្ពុជាដែលគ្រប់ដណ្តប់លើខេត្តតំបន់ឆ្នេរទាំង៤ ត្រូវបានបញ្ចូលជាសមាជិកក្លឹបឆ្នេរសមុទ្រដែលស្អាតបំផុតលើសកលលោក កាលពីឆ្នាំ២០១១។

បន្ទាប់ពីបានក្លាយជាសមាជិកក្លឹប និងបានឃើញពីកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ក្នុងការគ្រប់គ្រង អភិរក្ស និងអភិវឌ្ឍន៍តំបន់ឆ្នេរប្រកបដោយចីរភាព កម្ពុជាត្រូវបានបោះឆ្នោតជ្រើសតាំងឲ្យកាន់តំណែងសំខាន់ៗក្នុងក្រុមប្រឹក្សាភិបាលក្លឹប ដូចជា៖
* អនុប្រធានក្លឹបទទួលបន្ទុកតំបន់អាស៊ី-ប៉ាស៊ីហ្វិក សម្រាប់អាណត្តិ (២០១២-២០១៥)។
* បន្តកាន់តំណែងជាអនុប្រធានក្លឹបទទួលបន្ទុកតំបន់អាស៊ី-ប៉ាស៊ីហ្វិក អាណត្តិទី២ (២០១៥-២០១៨)។
* អគ្គនាយករងក្លឹបសម្រាប់អាណត្តិ (២០១៨-២០២១)។

ទាំងនេះសបញ្ជាក់ឲ្យឃើញពីការគាំទ្ររបស់ស្ថាប័នអន្តរជាតិដ៏សំខាន់មួយនេះ មកលើរាជរដ្ឋាភិបាលកម្ពុជា ក្រោមការដឹកនាំរបស់សម្តេចតេជោ ហ៊ុន សែន លើការអភិវឌ្ឍតំបន់ឆ្នេរសមុទ្រប្រកបដោយនិរន្តរភាព ខណៈដែលក្លឹបឆ្នេរខាងលើនេះត្រូវបានដំឡើងកម្រិតទៅជា «អង្គការអន្តរជាតិឆ្នេរសមុទ្រដែលស្អាតបំផុតលើសាកលលោក»។

ស្របជាមួយគ្នានេះដែរ ដោយទទួលបានការឯកភាពពីរាជរដ្ឋាភិបាល និងការគាំទ្រពីក្លឹបឆ្នេរសមុទ្រដែលស្អាតបំផុតលើសកលោក កម្ពុជាក៏បានទទួលសិទ្ធិពីសហព័ន្ធកីឡាប្រណាំងកង់ពិភពលោក (UCI) ក្នុងការរៀបចំជាប្រវត្ដិសាស្ដ្រនូវព្រឹត្ដិការណ៍ប្រណាំងកង់ពិភពលោក នៅតំបន់ឆ្នេរសមុទ្រកម្ពុជាលើកទី១ ចាប់ពីថ្ងៃទី០៤-០៦ ខែមករា ឆ្នាំ២០២០ ខាងមុខនេះ។

គួរបញ្ជាក់ថា ក្លឹបឆ្នេរសមុទ្រដែលស្អាតបំផុតលើសាកលលោក ត្រូវបានបង្កើតឡើងនៅឆ្នាំ១៩៩៧ នាទីក្រុងប៊ែរឡាំង ប្រទេសអាឡឺម៉ង់។ បច្ចុប្បន្ន ក្លឹបមានទីស្នាក់ការនៅទីក្រុងវ្យែន ប្រទេសបារាំង និងមានឆ្នេរសមាជិកសរុបចំនួន ៤៤ឆ្នេរ មកពី២៤ប្រទេស៕

This website, Tourismcambodia.org, the official website of Ministry of Cambodia of the Kingdom of Cambodia, is designed and maintained collaboratively by RED DOT (Cambodia) Co., Ltd and Cybernetics Ltd a full service branding and advertising agency in Cambodia. While efforts are made to ensure that all the information hereto are good, accurate and up to date, by visiting the website Tourismcambodia.org, viewing, accessing or otherwise using any of the services or information created, collected, compiled or submitted to Tourismcambodia.org, you agree to be bound by the our Terms and Conditions of Use, (Click here). If you do not want to be bound by our Terms, your only option is not to visit, view or otherwise use the services of Tourismcambodia.org. You understand, agree and acknowledge that these Terms constitute a legally binding agreement between you and Tourismcambodia.org and that your use of Tourismcambodia.org shall indicate your conclusive acceptance of this agreement.