កម្ពុជា-ចិន បើកសម្ពោធ ឆ្នាំទេសចរណ៍ និងវប្បធម៌ ជាលើកដំបូង
នាល្ងាចថ្ងៃទី ៣០ ខែមករា ឆ្នាំ២០១៩ កម្ពុជា-ចិន បានរួមសហការគ្នារៀបចំពិធីបើកសម្ពោធ ឆ្នាំទេសចរណ៍ និងវប្បធម៌ ជាលើកដំបូង ដែលបានប្រព្រឹត្តទៅសាលសន្និសីទចតុមុខ ក្រោមអធិបតីភាពឯកឧត្តមឧបនាយករដ្ឋមន្ត្រី ហោ ណាំហុង តំណាងដ៏ខ្ពស់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងមានការចូលរួមពីក្រសួងស្ថា ប័នពាក់ព័ន្ធ ប្រតិបត្តិករទេសចរណ៍ និងផ្នែកឯកជននៃប្រទេសទាំងពីរ ប្រមាណជាង ៦០០នាក់។
ក្នុងពិធីបើកសម្ពោធនេះ មានការឡើងថ្លែងសុន្ទរកថា និងអានសាលិខិតរបស់ប្រមុខដឹកនាំប្រទេសទាំងពីរ (ដែលរួមមាន៖ សុន្ទ រកថាឯកឧត្តម វ៉ាង វិនធៀន ឯកអគ្គរដ្ឋទូតចិនប្រចាំកម្ពុជា សុន្ទរកថាឯកឧត្តម ថោង ខុន រដ្ឋមន្ត្រីក្រសួងទេសចរណ៍កម្ពុជា សុន្ទរកថាលោកជំទាវ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រតសិល្បៈកម្ពុជា ការអានសារលិខិតរបស់នាយករដ្ឋមន្ត្រីចិនដោយឯកឧត្តម ឡ ស៊ូកាង រដ្ឋមន្ត្រីក្រសួងវប្បធម៌ និងទេសចរណ៍ ចិន និងការឡើងអានសារលិខិតរបស់សម្តេចតេជោនា យក រដ្ឋមន្ត្រីដោយឯកឧត្តមឧបនាយករដ្ឋមន្ត្រី ហោ ណាំហុង)។
ជាងនេះទៀត ក្រុមរបាំសិល្បៈ និងអ្នកចំរៀងល្បីៗរបស់ប្រទេសទាំងពីរបានចូលរួមសំដែង និងច្រៀងរួមគ្នា ពិសេសបានធ្វើអោយគណៈអធិបតី ភ្ញៀវកិត្តិយស និងមិត្តចិន-កម្ពុជា មានការជក់ចិត្តដិតអារម្មណ៍ និងកោតសរសើរយ៉ាងខ្លាំងចំពោះការសំដែងដ៏បុិន ប្រសព្វ ស្ទាត់ជំនាញ និងភាពទាក់ទាញ។
តាមរយៈការរៀបចំបើកសម្ពោធឆ្នាំទេសចរណ៍ និងវប្បធម៌ កម្ពុជា-ចិន លើកដំបូងនេះ នឹងជួយជម្រុញដ់ការស្រូបទាញកំណើនទេសចរ និងវិនិយោគិនចិនមកកម្ពុជាកាន់តែច្រើនថែមទៀត ពិសេសនឹងពង្រឹងបន្ថែមទៀតនូវមូលដ្ឋានទំនាក់ទំនង និងកិច្ច សហ ការផ្នែកទេសចរណ៍ និងវប្បធម៌ កាន់តែរឹងមាំ ជិតស្និទ្ធ និងផ្សារភ្ជាប់បេះដូង ដួងចិត្តនិងមនោសញ្ចេតនារវាងប្រជាជននៃប្រទេសទាំងពីរកាន់តែរឹងមាំ និងសុីជម្រៅ សំដៅចូលរួមចំណែកដល់ការបង្កើតសហគមន៍រួមដែលមានវាសនាតែមួយ។
