ក្រសួងទេសចរណ៍-រដ្ឋបាលខេត្តកែប នឹងប្រែក្លាយវិថីដូហ្វីនទៅជាវិថីលក់ម្ហូបអាហារ

ក្រសួងទេសចរណ៍-រដ្ឋបាលខេត្តកែប នឹងប្រែក្លាយវិថីដូហ្វីនទៅជាវិថីលក់ម្ហូបអាហារ

(កែប)៖ វិថីដូហ្វីនស្ថិតនៅជិតមាត់ឆ្នេរ នៃខេត្តកែប នឹងក្លាយទៅជាវិថីលក់ម្ហូបអាហារ ខណៈនាព្រឹកថ្ងៃទី២៥ ខែកញ្ញា ឆ្នាំ២០១៩នេះ ក្រសួងទេសចរណ៍ គណៈកម្មាធិការជាតិវាយតម្លៃទីក្រុងស្អាត សហការជាមួយរដ្ឋបាលខេត្តកែប បានរៀបចំសិក្ខាសាលាផ្សព្វផ្សាយកម្មវិធីប្រឡងប្រណាំង «ស្នាដៃស្ថាបត្យកម្មវិថីលក់ម្ហូបអាហារនៅខេត្តកែប»។

សិក្ខាសាលានេះធ្វើឡើងក្រោមការដឹកនាំដោយលោក គឹម សេរីរដ្ឋ ប្រធាននាយកដ្ឋានគ្រប់គ្រងសេវាកម្មស្នាក់នៅទេសចរណ៍ និងម្ហូបអាហារ និងលោក ព្រុំ គន្ធិ អភិបាលរងខេត្តកែប និងមានការចូលរួមពីមន្ត្រីរាជការ សមាជិក-សមាជិកគណៈកម្មាធិការវាយតម្លៃទីក្រុងស្អាតខេត្តកែប មន្ទីរអង្គភាពចំណុះរដ្ឋបាលខេត្តកែប និងប្រតិបត្តិករទេសចរណ៍ក្នុងខេត្តកែប សរុបប្រមាណ ១០០នាក់។

ជាមួយគ្នានេះ មន្រ្តីជំនាញនៃក្រសួងទេសចរណ៍ក៏បានធ្វើការបង្ហាញអំពី៖

១៖ ស្ដង់ដាសេវាកម្មវិថីលក់ម្ហូបអាហារ ដែលជាលក្ខណវិនិច្ឆ័យសម្រាប់ការរៀបចំវិថីលក់ម្ហូបអាហារ Food Street Standard។

២៖ ប្រព័ន្ធចំណាត់ថ្នាក់សេវាកម្មតូបលក់ម្ហូបអាហារ Street Food Classification ដែលជាលក្ខណវិនិច្ឆ័យសម្រាប់ឱ្យប្រតិបត្តិករទេសចរណ៍រៀបចំតូបលក់ម្ហូបអាហាររបស់ខ្លួនបានកាន់តែល្អជាងមុន។

ជាមួយគ្នានេះ លោកប្រធាននាយកដ្ឋានបានស្នើបន្ថែមដល់រដ្ឋបាលខេត្តកែប ក៏ដូចជាអង្គសិក្ខាសាលានូវចំណុចសំខាន់ ២ ដែលរួមមាន៖

១៖ សូមមន្ទីរទេសចរណ៍ខេត្តកែប ជួយផ្សព្វផ្សាយបន្តដល់ប្រតិបត្តិករទេសចរណ៍ឱ្យចូលរួមជាមួយរដ្ឋបាលខេត្តកែប ក៏ដូចជារដ្ឋបាលក្រុងកែប ក្នុងការចូលរួមរៀបចំវិថីលក់ម្ហូបអាហារខេត្តកែបឱ្យកាន់តែល្អប្រសើរ។

២៖ ស្នើរដ្ឋបាលខេត្តកែបបន្តសហការជាមួយគណៈកម្មាធិការជាតិវាយតម្លៃទីក្រុងស្អាត ដើម្បីរៀបចំអោយមាន «វិថីលក់ម្ហូបអាហារខេត្តកែប» ឱ្យបានកាន់តែឆាប់។

គួរបញ្ជាក់ថា សម្រាប់ការរៀបចំវិថីលក់ម្ហូបអាហារខេត្តកែប រដ្ឋបាលខេត្តកែបបានកំណត់ជ្រើសរើសវិថីដូហ្វីន រៀបចំជាវិថីលក់ម្ហូបអាហារក្នុងខេត្តកែប៕

This website, Tourismcambodia.org, the official website of Ministry of Cambodia of the Kingdom of Cambodia, is designed and maintained collaboratively by RED DOT (Cambodia) Co., Ltd and Cybernetics Ltd a full service branding and advertising agency in Cambodia. While efforts are made to ensure that all the information hereto are good, accurate and up to date, by visiting the website Tourismcambodia.org, viewing, accessing or otherwise using any of the services or information created, collected, compiled or submitted to Tourismcambodia.org, you agree to be bound by the our Terms and Conditions of Use, (Click here). If you do not want to be bound by our Terms, your only option is not to visit, view or otherwise use the services of Tourismcambodia.org. You understand, agree and acknowledge that these Terms constitute a legally binding agreement between you and Tourismcambodia.org and that your use of Tourismcambodia.org shall indicate your conclusive acceptance of this agreement.