ប្រតិភូ​គម្រោង​ចិត្ត​ដូច​គ្នា​ដឹកនាំ​ដោយ​លោកស្រី ងួន សូ​នី ជា​ប្រធាន​គម្រោង​កាលពី​ថ្ងៃ​ទី ១២ ខែ​កុម្ភះ ឆ្នាំ​២០១៩​នៅ​ទីស្តីការ​ក្រសួង​ទេសចរណ៍

រាជធានី​ភ្នំពេញ​៖ ប្រតិភូ​គម្រោង​ចិត្ត​ដូច​គ្នា​ដឹកនាំ​ដោយ​លោកស្រី ងួន សូ​នី ជា​ប្រធាន​គម្រោង​កាលពី​ថ្ងៃ​ទី ១២ ខែ​កុម្ភះ ឆ្នាំ​២០១៩​នៅ​ទីស្តីការ​ក្រសួង​ទេសចរណ៍ បាន​ចូលជួប​សម្តែង​ការគួរសម​ព្រមទាំង​រាយការណ៍​ជូន ឯកឧត្តម ថោង ខុន រដ្ឋមន្ត្រី​ក្រសួង​ទេសចរណ៍​អំពី​គោលដៅ​សកម្មភាព ព្រមទាំង​សុំ​ការផ្តល់​អនុសាសន៍​ផងដែរ ពី​លោក​រដ្ឋមន្ត្រី ។​

​លោកស្រី ងួន សូ​នី បានឲ្យដឹងថា គម្រោង​ចិត្ត​ដូច​គ្នា​ត្រូវ​បាន​បង្កើតឡើង​នៅ​ឆ្នាំ​២០១៦ ដោយ​យុវជន​ស្មគ្រ័ចិត្ត សហភាព​សហព័ន្ធ​យុវជន​កម្ពុជា សហការ​ជាមួយ​ក្រុម​យូ​អិន​អាយ និង​ក្រុម​ហ្គូ​ហ្ក​ល ខេ​ម​បូឌា ។ លោកស្រី​បញ្ជាក់​ថា នៅ​ឆ្នាំ​បង្កើត​ដំបូង​គម្រោង​ចិត្ត​ដូច​គ្នា បាន​បង្កើត​កម្មវិធី​មួយ​គឺរ​ត់ ដើម្បី​មនុស្សធម៌ ដែល​ត្រូវបាន​រៀបចំ​ធ្វើ​នៅ​កោះ​ពេជ្រ ដោយ​មាន​អ្នក ចូលរួម​ប្រមាណ​ជាង​២០០០​នាក់ ដើម្បី​ប្រមូល​ថវិកា​ជួយ​ដល់​អង្គការ​ដ្រា​ម៉ាណា និង​អង្គការ​ផ្ទះ បាយ​កុមារ ។​

​លោកស្រី​បន្ត​ថា បន្ទាប់​ពី​កម្មវិធី​ទី​១​ទទួលបាន​ជោគជ័យ​គម្រោង​ចិត្ត​ដូច​គ្នា​បានរៀបចំ កម្មវិធី​មួយទៀត​គឺ​កម្មវិធី « ដើម្បី​សង្គមជាតិ​យើង​អាច​ធ្វើបាន » ដែល​ផ្តល់​ឱកាស​ដល់​សិស្ស និស្សិត​តាម​វិទ្យាល័យ សាកលវិទ្យាល័យ​ចូលរួម​ប្រកួតប្រជែង​នូវ​គម្រោង​ដែល​ពួកគាត់​បង្កើត ឡើង ហើយ​កម្មវិធី​នេះ​ក៏​ទទួលបាន​ជោគជ័យ​ផងដែរ ។​

​លោកស្រី ងួន សូ​នី បាន​ថ្លែងឲ្យដឹងថា កម្ម​វិធី​ទី​៣​គឺ « រត់​ដើម្បី​គ្រូ » ដើម្បី​ប្រមូល​ថវិកា ជួយ​ដល់​សមាគម​បុគ្គលិក​សិក្សា​ខ្មែរ​ដែល​ប្រមូលប្តុំ​ដោយ​លោកគ្រូ​អ្នកគ្រូ ​ដែល​ចូល​និវត្តន៍​រួមទាំង លោកគ្រូ​អ្នកគ្រូ​ផ្សេង​ទៀត​ដែល​កំពុង​បំពេញ ​ការងារ​ខាង​វិស័យ​អប់រំ ។ លោកស្រី​ប្រធាន​ក៏បាន ឲ្យដឹង​ដែរថា ចំពោះ​គម្រោង​ទី​៤​គឺ​កម្មវិធី « ដើម្បី​សង្គមជាតិ​យើង​អាច​ធ្វើបាន » រដូវ​កាល​ទី​២ ដែល​នឹង​ត្រូវ​រៀបចំ​ធ្វើឡើង​នៅពេល​ខាងមុខ ។ ដូច្នេះ​ទើប​ក្រុមយុវជន​គម្រោង​ចិត្ត​ដូចគ្នា​បាន ស្នើសុំ​ចូល​សម្តែង​ការគួរសម​និង​សុំ​ផ្តល់​ការ ណែនាំ​និង​ផ្តល់​អនុ​ស្សាស​ពី​ រដ្ឋមន្ត្រី​ក្រសួង​ទេសចរណ៍ ព្រោះថា រាល់​កម្មវិធី​ដែល​រៀបចំ​ដោយ​គម្រោង​ចិត្ត​ ដូច​គ្នា​ផ្តោតជាសំ ខាន់​លើ​វិស័យ​ទេស ច​រណ៍ ហើយ​ទទួលបាន​ការគាំទ្រ​និង​ចូលរួម​ពី​ស្រទាប់​យុវជន​កម្ពុជា ។​

​ឯកឧត្តម ថោង ខុន រដ្ឋមន្ត្រី​ក្រសួង​ទេសចរណ៍​បាន​សម្តែង​នូវ​ការគាំទ្រ ចំពោះ​រាល់​កម្មវិធី​ជា បន្តបន្ទាប់​របស់​គម្រោង​ចិត្ត​តែ​មួយ​របស់​សហភាព​ស​ហ​ព័ន្ធ​យុវជន​កម្ពុជា​ដោយ​កម្ម​វិធី​ភាគច្រើន ផ្តោត​លើ​វិស័យ​ទេសចរណ៍ ។ លោក​ក៏​បាន​លើកទឹកចិត្ត​ដល់​ក្រុម យុវជន​គម្រោង​ចិត្ត​តែ​មួយ​បន្ត ការងារ​របស់​ខ្លួន​បន្តទៀត សំខាន់​ចូលរួម​ឲ្យ​កាន់តែ​សកម្ម​ការផ្សព្វផ្សាយ​ អភិវឌ្ឍន៍​វិស័យ​ទេសច​រ ណ៍ ។​

​ឯកឧត្តម រដ្ឋមន្ត្រី​បាន​ថ្លែងថា កម្ពុជា​មាន​តំបន់​ទេសចរណ៍​ជាច្រើន ហើយ​ពោរពេញ​ដោយ សក្តានុពល សំខាន់​ទេសចរណ៍​វប្បធម៌​និង​ធម្មជាតិ​ឬ​អេកូ​ទេសចរណ៍​ដែល​យើង​កំពុង​តែ​ខិតខំ​កែច្នៃ​និង​ធ្វើយ៉ាងណា​ឲ្យ​តំបន់​ទាំងនោះ​ក្លាយជា​តំបន់​ទេសចរណ៍​ដែល​ស្អាត​និង​បៃតង ។ ឯកឧត្តម​បញ្ជាក់ថា បច្ចុប្បន្ន​នេះ​ក្រៅពី​គោលដៅ​ទេសចរណ៍​វប្បធម៌​យើង​ក៏​កំពុង​តែ​ខិតខំ​ជម្រុញ​គោលដៅ​អេកូ​ទេស ចរណ៍ និង​វិស័យ​ទេសចរណ៏​ម្ហូបអាហារ ក្នុងនោះ ការ​បង្កេី​ត ស្តង់ដា​វិថី​ម្ហូប​អហារ food street ថែម​ទៀត ។​

​បច្ចុប្បន្ន​នេះ​នៅលើ​ពិភពលោក​ភ្ញៀវទេសចរ​ប្រមាណ​ជាង​៥០% ចូលចិត្ត​តំបន់​ទេសចរណ៍​វប្បធម៌ ខណ​ដែល​ប្រមាណ​ជាង​៣០%​ចូលចិត្ត​ចំពោះ​ទេសចរណ៍​ធម្ម ជាតិ ឬ​អេកូ​ទេសចរណ៍​ក្នុងពេល​ដែល​ប្រទេស​កម្ពុជា​យើង​ក៏​មាន​សក្តានុពល​ខ្លាំង​លើ​អេកូ​ទេសចរ ណ៍​នេះ​ផង​ដែរ ។​

​ទន្ទឹម​នោះ​យើង​ក៏​កំពុងអភិវឌ្ឍន៍​គោលដៅ​ទេសចរណ៍​ជាច្រើន ដើម្បី​ប្រែក្លាយ​តំបន់​នោះ ឲ្យទៅជា​តំបន់​ទេសចរណ៍​សំខា​ន់ និង​ទាក់ទាញ​បំផុត​ដូចជា​គោលដៅ​ទេសចរណ៍​នៅ​ភូមិភាគ ឥ​សាន្ត តំបន់​និរតី និង​តំបន់​ខាងជើង​ប្រទេស​ជា​ដើម ដែល​សុទ្ធសឹង​ជា​តំបន់​ដែល​ប្រកបដោយ សក្តានុពល​ខ្ពស់​ខាង​វិស័យ​ទេសចរណ៍ ។

​ដូច្នេះ ឯកឧត្តម​មន្ត្រី អំពាវនាវ​ដល់​ក្រុមការងារ និង​យុវជន​នៃ​សហភាព​សហព័ន្ធ​យុវជន​កម្ពុជា​ចាប់​យក​និន្នាការ​ថ្មី​នៃ​បច្ចេកវិទ្យា ពិ សេស​គឺ​ទស្សនាទាន smart city និង smart tourism ព្រម​ជាមួយ​ការ​បន្ត​ចូលរួម​អភិរក្ស ផ្សព្វផ្សាយ​និង​អភិវឌ្ឍន៍​តំបន់​ទេស ចរណ៍​នៅ​ទូទាំង​ប្រទេស សំដៅ​ទាក់ទាញ​ភ្ញៀវ​ទេសចរណ៍​មក​កាន់​កម្ពុជា​កាន់តែ​ច្រើន​ថែម​ទៀត ៕​

This website, Tourismcambodia.org, the official website of Ministry of Cambodia of the Kingdom of Cambodia, is designed and maintained collaboratively by RED DOT (Cambodia) Co., Ltd and Cybernetics Ltd a full service branding and advertising agency in Cambodia. While efforts are made to ensure that all the information hereto are good, accurate and up to date, by visiting the website Tourismcambodia.org, viewing, accessing or otherwise using any of the services or information created, collected, compiled or submitted to Tourismcambodia.org, you agree to be bound by the our Terms and Conditions of Use, (Click here). If you do not want to be bound by our Terms, your only option is not to visit, view or otherwise use the services of Tourismcambodia.org. You understand, agree and acknowledge that these Terms constitute a legally binding agreement between you and Tourismcambodia.org and that your use of Tourismcambodia.org shall indicate your conclusive acceptance of this agreement.