ឯកឧត្តម ណេប សាមុត អគ្គនាយកគ្រប់គ្រងឧស្សាហកម្មទេសចរណ៍ បានជួបពិភាក្សាការងារលើគម្រោងបង្កើតថ្នាក់បរិញ្ញាបត្រជាន់ខ្ពស់លើវិស័យទេសចរណ៍
ឯកឧត្តម ណេប សាមុត អគ្គនាយកគ្រប់គ្រងឧស្សាហកម្មទេសចរណ៍ បានជួបពិភាក្សាការងារលើគម្រោងបង្កើតថ្នាក់បរិញ្ញាបត្រជាន់ខ្ពស់លើវិស័យទេសចរណ៍
នាថ្ងៃចន្ទ ១កើត ខែកត្តិក ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី២៨ ខែតុលា ឆ្នាំ២០១៩ នៅទីស្តីការក្រសួងទេសចរណ៍ ឯកឧត្តម ណេប សាមុត អគ្គនាយកគ្រប់គ្រងឧស្សាហកម្មទេសចរណ៍ បានជួបពិភាក្សាការងារលើគម្រោងបង្កើតថ្នាក់បរិញ្ញាបត្រជាន់ខ្ពស់លើវិស័យទេសចរណ៍ - Master of Tourism Innovation and Development ជាមួយលោកស្រី Anya DIEKMANN ប្រធានកម្មវិធី(Master)នៃសាកលវិទ្យាល័យ Université Libre de Bruxelles (ULB) និងលោក Laurent MESMANN ប្រធានគម្រោងកិច្ចសហប្រតិបត្តិការបារាំងនៃសាកលវិទ្យាល័យនីតិសាស្ត្រនិងវិទ្យាសាស្ត្រសេដ្ឋកិច្ច។
តាមគម្រោងបង្កើតថ្នាក់បរិញ្ញាបត្រជាន់ខ្ពស់លើវិស័យទេសចរណ៍ - Master of Tourism Innovation and Development មានគោលដៅបណ្តុះបណ្តាលអ្នកជំនាញកំរិតខ្ពស់នាថ្ងៃអនាគត ដែលអាចបំរើការងារទាំងក្នុងវិស័យសាធារណៈ និងវិស័យឯកជនក្នុងឧស្សាហកម្មទេសចរណ៍ ដើម្បីចូលរួមឆ្លើយតបនឹងគោលនយោបាយ និងផែនការយុទ្ធសាស្ត្រអភិវឌ្ឍទេសចរណ៍របស់រាជរដ្ឋាភិបាលកម្ពុជា។
