នាព្រឹកថ្ងៃចន្ទ ទី៣០ ខែមីនា ឆ្នាំ២០២០ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ បានដឹកនាំគណៈប្រតិភូក្រសួង ចូលជួបប្រជុំជាមួយឯកឧត្តម ម៉ុម ជឹមហ៊ុយ ប្រធានគណៈកម្មការទី៧ នៃព្រឹទ្ធសភា (រួមជាមួយអនុប្រធាន សមាជិកគណៈកម្មការទី៧ និងតំណាងមកពីគណៈកម្មការនានានៃព្រឹទ្ធសភា) ដើម្បីគោរពរាយការណ៍ជូនព្រឹទ្ធសភាអំពីសភាពការណ៍រីកចម្រើននៃវិស័យទេសចរណ៍កម្ពុជាប្រចាំឆ្នាំ២០១៩ អំពីបញ្ហាប្រឈម និងទិសដៅអនុវត្តបន្តឆ្នាំ២០២០ ពិសេសអំពីស្ថានភាពដ៏លំបាកនៃវិស័យទេសចរណ៍ប្រឈមមុខនឹងការការរាតត្បាតជាសកលនៃជំងឺកូវីដ១៩ នាពេលបច្ចុប្បន្ន និងការដាក់ចេញនូវវិធានការចាំបាច់ សកម្មភាពការងារចំពោះមុខ ដើម្បីទប់ទល់នឹងវិបត្តិនៃជំងឺកូវីដ១៩៕
នារសៀលថ្ងៃទី ១៨ ខែកក្កដា ឆ្នាំ២០១៩ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ បានដឹកនាំកិច្ចប្រជុំត្រួតពិនិត្យការងារឆមាសទី១ ឆ្នាំ២០១៩ និងទិសដៅបន្តឆមាសទី២ ឆ្នាំ២០១៩ របស់អគ្គនាយកដ្ឋានរដ្ឋបាល និងហិរញ្ញវត្ថុ ដោយមានការចូលរួមពីថ្នាក់ដឹកនាំរដ្ឋលេខធិការ អនុរដ្ឋលេខាធិការ អគ្គនាយក អគ្គនាយករង និងប្រធាននាយកដ្ឋាន ប្រមាណជិត ១០០នាក់។
(សៀមរាប)៖ រាជរដ្ឋាភិបាលកម្ពុជា បានសម្រេចបង្កើតគណៈកម្មការអន្តរក្រសួង ដើម្បីរៀបចំផែនការមេអភិវឌ្ឍន៍វិស័យទេសចរណ៍នៅខេត្តសៀមរាប ដោយមានក្រសួងទេសចរណ៍ជាស្ថាប័នដឹកនាំ និងមានសមាសភាពចូលរួមពីក្រសួង-ស្ថាប័ន-អាជ្ញាធរពាក់ព័ន្ធ រដ្ឋបាលខេត្តសៀមរាប ដៃគូសហការ ព្រមទាំងសាកលវិទ្យាល័យទូលូរបស់បារាំង ដែលជំនាញខាងសិក្សារៀបចំផែននការមេផងដែរ។
រដ្ឋមន្ត្រី ថោង ខុន ផ្ដល់អនុសាសន៍សំខាន់ៗ ដើម្បីជាប្រទីបក្នុងការសិក្សារៀបចំផែនការមេអភិវឌ្ឍន៍ទេសចរណ៍ ខេត្តសៀមរាប
តបតាមការអញ្ជើញរបស់សាលាបណ្តុះបណ្តាលវិជ្ជាជីវៈទេសចរណ៍ញូវហ្សេឡែន នៅ Willington នៅព្រឹកថ្ងៃទី០៣ ខែកក្កដា ឆ្នាំ២០១៩នេះ ឯកឧត្តមរដ្ឋមន្ត្រី ថោង ខុន និងប្រតិភូ បានទទួលការស្វាគមន៍រាក់ទាក់ ពីលោក Ben Potter នាយកគ្រប់គ្រងផ្នែកទីផ្សារ និងលោកស្រី Marty Hiddleston នាយកគ្រប់គ្រងសាលា។
(ភ្នំពេញ)៖ បន្ទាប់ពីបានក្លាយជាសមាជិកកាលពីឆ្នាំ២០១១ កម្ពុជាត្រូវបានបោះឆ្នោតជ្រើសតាំងឲ្យកាន់តំណែងសំខាន់ៗក្នុងក្រុមប្រឹក្សាភិបាលក្លឹប រួមមាន៖ អនុប្រធានក្លឹបទទួលបន្ទុកតំបន់អា...
