ឯកឧត្តម ណេប សាមុត អគ្គលេខាធិការនៃ គ.ជ.វ.ទ. និងជាអគ្គនាយកគ្រប់គ្រងឧស្សាហកម្មទេសចរណ៍ តំណាងដ៏ខ្ពង់ខ្ពស់ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ និងជាប្រធានគណៈកម្មាធិការជាតិវាយតម្លៃទីក្រុងស្អាត

ទីស្តីការក្រសួងទេសចរណ៍៖ នារសៀលថ្ងៃទី ២៥ ខែតុលា ឆ្នាំ២០២១ ឯកឧត្តម ណេប សាមុត អគ្គលេខាធិការនៃ គ.ជ.វ.ទ. និងជាអគ្គនាយកគ្រប់គ្រងឧស្សាហកម្មទេសចរណ៍ តំណាងដ៏ខ្ពង់ខ្ពស់ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ និងជាប្រធានគណៈកម្មាធិការជាតិវាយតម្លៃទីក្រុងស្អាត បានចូលរួមជាអធិបតីភាពក្នុងកម្មវិធីប្រគល់វិញ្ញាបនបត្រ និងរង្វាន់ជ័យលាភីដល់ម្ចាស់ជ័យលាភីនៃកម្មវិធីប្រកួតប្រជែងស្នាដៃស្ថាបត្យកម្ម “វីថីម្ហូបអាហារខេត្តកំពង់ធំ” ដោយមានការចូលរួមពីឯកឧត្តមអគ្គលេខាធិការរង សមាជិក សមាជិកា និងក្រុមការងារបច្ចេកទេសនៃអគ្គលេខាធិការដ្ឋាន គ.ជ.វ.ទ និងតំណាងសហភាពសហព័ន្ធយុវជនកម្ពុជាក្នុងវិស័យទេសចរណ៍ និងប្អូនៗនិស្សិត។
សូមបញ្ជាក់ផងដែរថា៖ ការប្រកួតប្រជែងនេះ បានចាប់ផ្តើមនៅខែធ្នូ ឆ្នាំ២០២០ និងបានបញ្ចប់នៅខែមីនា ឆ្នាំ២០២១ ដោយមានការចូលរួមប្រកួតចំនួន ១៥ក្រុមជំរុះយកជ័យលាភីចំនួន ០៣ក្រុមចុងក្រោយ ដូចខាងក្រោម៖
- ជ័យលាភីលេខ១៖ ក្រុមនិស្សិតមកពីសាកលវិទ្យាល័យលឹមកុកវីង មានលោក សូរ ម៉ុងដេរ៉ូ, លោក ឯមហុង បញ្ញារិទ្ធ,លោក ដន ឧត្តម ដោយទទួលបានប្រាក់រង្វាន់លើកទឹកចិត្តចំនួន ៤,០០០,០០០ រៀល និងវិញ្ញាបនបត្រ។
- ជ័យលាភីលេខ២៖ ក្រុមនិស្សិតមកពីសាកលវិទ្យាល័យន័រតុន មានលោក ឡុង វុត្ថានិត, កញ្ញា អេង ស្រីនិត, កញ្ញា វឿន វ៉ាន់ច័ន្ទណារី ដោយទទួលបានប្រាក់រង្វាន់លើកទឹកចិត្តចំនួន ៣,០០០,០០០ រៀល និងវិញ្ញាបនបត្រ។
- ជ័យលាភីលេខ៣៖ ក្រុមនិស្សិតមកពីសាកលវិទ្យាល័យន័រតុន មានលោក ជិន សុភិន, លោក ពេជ ហ៊ឹនសូនាង, កញ្ញា សារ៉ន លីរតនា ដោយទទួលបានប្រាក់រង្វាន់លើកទឹកចិត្តចំនួន ២,០០០,០០០ រៀល និងវិញ្ញាបនបត្រ។
កម្មវិធីប្រកួតប្រជែងស្នាដៃស្ថាបត្យកម្ម “វីថីម្ហូបអាហារខេត្តកំពង់ធំ” បានរៀបចំឡើងដោយ គណៈកម្មាធិការជាតិវាយតម្លៃទីក្រុងស្អាត ក្រសួងទេសចរណ៍ សហការជាមួយនឹងរដ្ឋបាលខេត្តកំពង់ធំ និងសហភាពសហព័ន្ធយុវជនកម្ពុជា។

This website, Tourismcambodia.org, the official website of Ministry of Cambodia of the Kingdom of Cambodia, is designed and maintained collaboratively by RED DOT (Cambodia) Co., Ltd and Cybernetics Ltd a full service branding and advertising agency in Cambodia. While efforts are made to ensure that all the information hereto are good, accurate and up to date, by visiting the website Tourismcambodia.org, viewing, accessing or otherwise using any of the services or information created, collected, compiled or submitted to Tourismcambodia.org, you agree to be bound by the our Terms and Conditions of Use, (Click here). If you do not want to be bound by our Terms, your only option is not to visit, view or otherwise use the services of Tourismcambodia.org. You understand, agree and acknowledge that these Terms constitute a legally binding agreement between you and Tourismcambodia.org and that your use of Tourismcambodia.org shall indicate your conclusive acceptance of this agreement.