១០ចំណុចដែលល្អបំផុតដែលត្រូវធ្វើនៅក្នុងប្រទេសកម្ពុជាក្នុងដំណើរទេសចរណ៍បន្ទាប់របស់អ្នក
ចាប់ពីរមណីដ្ឋានបុរាណ រហូតដល់ការជិះទូកកម្សាន្តតាមដងទន្លេ រហូតដល់ហែលទឹកជាមួយដំរី ដំណើរកំសាន្តកំពូលៗ នៅក្នុងប្រទេសកម្ពុជាទាំងនេះ នឹងធ្វើឱ្យអ្នកកក់ជើងហោះហើរទៅកាន់ប្រទេសកម្ពុជា។
ប្រទេសកម្ពុជាគឺជាប្រទេសដ៏គួរឱ្យទាក់ទាញមួយដែលមានភាពល្បីល្បាញខាងវប្បធម៌ដ៏រស់រវើកដែលភាគច្រើនទាក់ទងនឹងសាសនា និងកន្លែងទាក់ទាញធម្មជាតិដ៏ល្អបំផុតមួយចំនួននៅលើពិភពលោក។ ដំណើរទេសចរណ៍ទៅកាន់ប្រទេសពោរពេញដោយប្រវត្តិសាស្ត្រមួយនេះ នឹងធ្វើឱ្យអ្នកទស្សនាចាប់អារម្មណ៍ខ្លាំង ព្រោះមានទេសភាពអស្ចារ្យជាច្រើនសម្រាប់ការទស្សនាដ៏រីករាយរបស់អ្នកទេសចរ និងបង្កើតនូវអនុស្សាវរីយ៍ជាច្រើន។
ពីការទស្សនាប្រាសាទផ្សេងៗក្នុងបរិវេនអង្គរវត្ត រហូតដល់ការភ្លក់រសជាតិម្ហូបក្នុងស្រុកផ្សេងៗ ការដើរទិញឥវ៉ាន់នៅផ្សារ និងការហែលទឹកជាមួយសត្វដំរី (និងអ្វីៗជាច្រើនទៀត) ដែលនេះគឺជាចំណុចកំពូលមួយចំនួនដែលត្រូវធ្វើនៅក្នុងប្រទេសកម្ពុជានៅពេលទៅទស្សនានិងទទួលយកបទពិសោធន៍ដែលមិនអាចបំភ្លេចបាន។
១០. ទស្សនារមណីដ្ឋានបុរាណអង្គរ និងមើលប្រាសាទល្បីៗបំផុតក្នុងប្រទេសកម្ពុជា
រមណីដ្ឋានបុរាណអង្គរ គឺជាសម្បត្តិបេតិកភណ្ឌពិភពលោករបស់អង្គការយូណេស្កូ ជាកន្លែងដែលភ្ញៀវទេសចរដែលមកលេងប្រទេសកម្ពុជា ដាច់ខាតត្រូវតែទស្សនា។ រមណីដ្ឋាននេះមានភាពល្បីល្បាញនៃក្រុងដែលកប់បាត់ក្នុងសតវត្សរ៍ទី១២របស់ប្រាសាទអង្គរវត្ត ដែលជាប្រាសាទដ៏ធំ និងល្បីល្បាញបំផុតរបស់ពិភពលោក ដែលជារមណីដ្ឋានសម្បូរដោយប្រាសាទគួរឱ្យចាប់អារម្មណ៍ជាច្រើន។
ប្រាសាទបុរាណជាច្រើននៃទីក្រុងអង្គរត្រូវបានរកឃើញនៅទីនេះ រួមទាំងកន្លែងទាក់ទាញទេសចរណ៍កំពូលៗផ្សេងទៀតរបស់កម្ពុជា ដូចជាប្រាសាទតាព្រហ្ម ដែលមានភាពល្បីល្បាញដោយសារខ្សែភាពយន្ត Tomb Raider និងប្រាសាទបាយ័នដ៏អស្ចារ្យនៅក្នុងទីក្រុងដែលហ៊ុំព័ទ្ធដោយកំផែង។ មានមគ្គុទ្ទេសក៍ទេសចរណ៍ដើម្បីបម្រើដល់ភ្ញៀវទេសចរនៅក្នុងរមណីដ្ឋានអច្ឆរិយៈនិងបទពិសោធន៍ដ៏អស្ចារ្យនៃកន្លែងប្រវត្តិសាស្ត្រនេះ។
៩. ជិះទូកតាមដងទន្លេមេគង្គទស្សនាសត្វផ្សោត
ទន្លេមេគង្គជារមណីដ្ឋានលើផ្ទៃទឹកប្រវត្តិសាស្ត្រនិងសម្បូរទៅដោយទេសភាពនានា ក្នុងតំបន់អាស៊ីអាគ្នេយ៍ដែលគួរស្វែងរក។ ទទួលបានបទពិសោធន៍ដ៏ល្អបំផុតនៃទន្លេនេះដោយជិះទូករបស់ពលរដ្ឋខ្មែរក្នុងស្រុកពីភ្នំពេញទៅសៀមរាប។ នៅតាមផ្លូវធ្វើដំណើរកម្សាន្ត យើងរីករាយនឹងទិដ្ឋភាពដ៏អស្ចារ្យនៃទេសភាពបៃតង និងអារម្មណ៍រំភើបនៃការទស្សនាសត្វផ្សោតតាមដងទន្លេមេគង្គដែលហែលនៅក្បែរ និងប្រលែងលេងក្នុងជម្រកធម្មជាតិរបស់វា។
ការជិះទូកកម្សាន្តក្លាយជាបរិយាកាសដ៏ស្រស់ស្រាយនៅពេលថ្ងៃលិច ដោយសារទិដ្ឋភាពនៅជើងមេឃមានលក្ខណៈដ៏ពិសិដ្ឋ។ ជាមួយនឹងកាមេរ៉ានៅជាប់នឹងដៃ យើងអាចចាប់យកទស្សនីយភាពដ៏ស្រស់ស្អាតនេះទុកជាអនុស្សាវរីយ៍។
៨.ទស្សនាការសម្តែងរបាំអប្សរា
ការសម្តែងរបាំអប្សរា គឺជាការបង្ហាញវប្បធម៌ដ៏គួរឱ្យចាប់អារម្មណ៍ ដែលផ្តល់នូវទស្សនវិស័យពិសេសលើវប្បធម៌កម្ពុជា។ របាំវប្បធម៌ដ៏ល្បី ឬហៅម្យ៉ាងទៀតថា របាំខ្មែរ បានរស់រានមានជីវិតជាច្រើនសតវត្សមកហើយ ដោយមានប្រភពដើមរបស់វាទាក់ទងនឹងទេវកថារបស់ព្រះ។
បន្ទាប់ពីការកែប្រែជាបន្តបន្ទាប់ដើម្បីឱ្យមានភាពទាក់ទាញនោះ របាំខ្មែរមានភាពរីករាយក្នុងការទស្សនា ជាមួយនឹងសំលៀកបំពាក់ដ៏ទាក់ទាញ និងការសម្តែងល្ខោនដែលធ្វើអោយអ្នកទស្សនាចាប់ចិត្តទស្សនាដោយមិនព្រិចភ្នែក។
៧. ការសម្រាកលំហែរនៅលើឆ្នេរដ៏ស្រស់ស្អាតបំផុតក្នុងប្រទេសកម្ពុជា
ការទៅកំសាន្តឆ្នេរដ៏ល្អបំផុតរបស់ប្រទេសកម្ពុជា ដែលមានទឹកសមុទ្រដ៏ល្អស្អាត និងឆ្នេរខ្សាច់ដ៏បរិសុទ្ធ ធ្វើឱ្យយើងមានអារម្មណ៍ស្រស់ស្រាយ និងជារឿងដ៏ល្អបំផុតមួយដែលត្រូវធ្វើនៅពេលទៅទស្សនាប្រទេសកម្ពុជា។ ឆ្នេរសមុទ្រ Saracen និងថ្ងៃលិចនៅកោះរ៉ុងសន្លឹម គឺជាឆ្នេរសមុទ្រដែលគួរឱ្យទាក់ទាញបំផុតនៅជុំវិញពិភពលោក និងមានអ្វីពិសេសច្រើនទៀត។
៦. ម្ហូបតំណាងខ្មែរពិតៗ និងទទួលបានពិសោធន៍ទេសចរណ៍អាហារខ្មែរ
ដំណើរទេសចរណ៍នៅប្រទេសកម្ពុជា នឹងមិនបានពេញលេញទេ បើសិនជាមិនបានភ្លក់នូវមុខម្ហូបដ៏ឈ្ងុយឆ្ងាញ់នោះទេ។ នៅទូទាំងភោជនីយដ្ឋានជាច្រើនក្នុងប្រទេសកម្ពុជា យើងអាចភ្លក់រសជាតិមុខម្ហូបបែបប្រពៃណីជាច្រើន និងភ្ញាក់ផ្អើលពីរសជាតិដ៏ឈ្ងុយឆ្ងាញ់។ អាហារនៅក្នុងប្រទេសកម្ពុជាជាធម្មតាមានអាហារសមុទ្រ និងបាយ ប៉ុន្តែមានអាហារជាច្រើនផ្សេងទៀតនៅក្នុងប្រទេសដែលមិនមានលក្ខណៈប្រចាំ តែទាំងអស់សុទ្ធតែមានរសជាតិពិសេស និងធ្វើឱ្យអ្នកធ្វើដំណើរពេញចិត្ត។
៥. ហែលទឹកជាមួយដំរីនៅគម្រោងជ្រលងដំរីនៅមណ្ឌលគិរី
ការហែលទឹកជាមួយសត្វដំរីនៅក្នុងដែនជម្រកសត្វព្រៃ គឺជារឿងមួយដែលគួរឱ្យរំភើប និងមានលក្ខណៈផ្សងព្រេង ដែលគួរបានស្គាល់នៅក្នុងប្រទេសកម្ពុជា។ ដំរីទាំងនេះត្រូវបានការពារនៅក្នុងគម្រោង Elephant Valley នៅខេត្តមណ្ឌលគិរី ដែលជាអង្គការមួយដែលបង្កើតឡើងដោយបុគ្គលដែលស្រលាញ់និងថែរក្សាសត្វដំរី។
៤.ទស្សនាសារមន្ទីរជាតិក្នុងរាជធានីភ្នំពេញ
សារមន្ទីរជាតិក្នុងប្រទេសកម្ពុជា គឺជាកន្លែងដ៏គួរឱ្យចាប់អារម្មណ៍មួយសម្រាប់អ្នកស្រឡាញ់ប្រវត្តិសាស្រ្ត និងសិល្បៈ ដែលចង់ស្វែងយល់តម្លៃប្រវត្តិសាស្រ្តដ៏សម្បូរបែប និងបេតិកភណ្ឌវប្បធម៌របស់ប្រទេស។ សារមន្ទីរនេះ មានស្នាដៃសិល្បៈ វត្ថុបុរាណ និងវិចិត្រសាលជាច្រើន ដែលរំលឹកដល់សម័យខ្មែរ។
៣.ទស្សនាមជ្ឈមណ្ឌលសង្គ្រោះសត្វព្រៃភ្នំតាម៉ៅ
មជ្ឈមណ្ឌលសត្វព្រៃភ្នំតាម៉ៅ នៅទីក្រុងភ្នំពេញ ប្រទេសកម្ពុជា គឺជាកន្លែងដ៏ល្អបំផុតមួយសម្រាប់ទទួលបាននូវបទពិសោធន៍សត្វព្រៃនៅកម្ពុជា។ មានសត្វរហូតដល់ ១,២០០ក្បាល ដែលមាន ១០២ប្រភេទនៅក្នុងជម្រកនេះសម្រាប់សត្វដែលត្រូវបានជួយសង្គ្រោះ។ សត្វទាំងនេះរួមមាន តោ ខ្លា ទោច ខ្លារខិន និងដំរី ដែលត្រូវបានជួយសង្គ្រោះដោយក្រុមសង្គ្រោះសត្វព្រៃ Wildlife Rapid Rescue Team របស់ឧទ្យានដែលបានបង្កើតឡើងក្នុងឆ្នាំ២០០១។
ចាប់ផ្តើមដំណើរទេសចរណ៍ដែលមានការណែនាំពេញលេញ ដើម្បីស្វែងយល់ពីភាពចម្រុះនៃសត្វព្រៃដ៏អស្ចារ្យនៅក្នុងសួនសត្វនេះ រួមទាំងការផ្តល់ចំណី និងសកម្មភាពថែទាំសត្វផងដែរ។
២. បទពិសោធន៍ការថែរក្សាសម្រស់
បទពិសោធន៍ដែលមិនអាចបំភ្លេចបានបំផុតមួយនៅក្នុងប្រទេសកម្ពុជាគឺការទទួលបានការថែរក្សាសម្រស់។ បន្ទាប់ពីបានទស្សនា និងស្វែងយល់ពីអច្ឆរិយៈនៃធម្មជាតិ និងបង្កើតឡើងដោយមនុស្សយើងសម្រាកជាមួយនឹងការទទួលបានការរក្សាសុខភាពស្ប៉ាបែបបុរាណ ដែលផ្តល់នូវរចនាប័ទ្មពិសេសមួយក្នុងការទទួលបានការសម្រួលរាងកាយទាំងមូល ផ្លូវអារម្មណ៍។
១. ទិញទំនិញនៅផ្សារក្នុងស្រុកក្នុងប្រទេសកម្ពុជា
ការដើរទិញទំនិញ និងវត្ថុអនុស្សាវរីយ៍នៅទីផ្សារក្នុងស្រុក មុនពេលចេញដំណើរ គឺជាមធ្យោបាយដ៏ល្អបំផុតដើម្បីបញ្ចប់ដំណើរកម្សាន្តទៅកាន់ប្រទេសកម្ពុជា។ ទីផ្សារក្នុងស្រុកជាច្រើននៅពាសពេញទីក្រុងនៃប្រទេសកម្ពុជា ដោយពាណិជ្ជករលក់ទំនិញដែលមានតម្លៃសមរម្យ។
