ដេីម្បីចូលរួមអបអរសាទរពិធីសម្ភោធ វិមានអនុស្សាវរីយ៏ឈ្នះ ឈ្នះ និងដើម្បីត្រៀមធ្វើជាម្ចាស់ផ្ទះ ព្រឹត្តការណ៍ SEA-Game
ដេីម្បីចូលរួមអបអរសាទរពិធីសម្ភោធ វិមានអនុស្សាវរីយ៏ឈ្នះ ឈ្នះ និងដើម្បីត្រៀមធ្វើជាម្ចាស់ផ្ទះ ព្រឹត្តការណ៍ SEA-Game 2023 ខាងមុខនេះ ក្រសួងទេសចរណ៍ បានប្រកាសឱ្យ អនុវត្តជាផ្លូវការកម្មវិធីទូរស័ព្ទឆ្លាតវៃ (Mobile Apps) ឈ្មោះថា៖ «Hospitality-Tourism &Border» ដែលភ្ញៀវទេសចរ អាចចូលរួមវាយតម្លៃបដិសណ្ឋារកិច្ចល្អរបស់មូលដ្ឋានអាជីវកម្មទេសចរណ៍ជា ០៨ភាសា (ខ្មែរ អង់គ្លេស បារាំង ចិន ជប៉ុន កូរ៉េ ថៃ និងវៀតណាម)។
កម្មវិធីទូរស័ព្ទឆ្លាតនេះ អាចផ្ដល់ភាពងាយស្រួលជូនបងប្អូនប្រជាពលរដ្ឋ និងភ្ញៀវទេសចរអាចចូលរួមផ្ដល់មតិយោបល់វាយតម្លៃជារៀងរាល់ថ្ងៃម្ដងលើសេវាច្រកទ្វារអន្ដរជាតិ និងមូលដ្ឋានអាជីវកម្មទេសចរណ៍ទាំងអស់បានដោយសេរី។
សូមបញ្ជាក់ថា៖ ភ្ញៀវទេសចរអាចទាញយក (Download) កម្មវិធីនេះតាមរយៈ (App Store ចំពោះទូរស័ព្ទ IPhone តាមតំណលីង៖ https://goo.gl/CF4AMy និង Play Store តាមរយៈតំណលីង៖ https://goo.gl/W3uBxx សម្រាប់ទូរស័ព្ទ Android)៕
សូមភាគីពាក់ព័ន្ធទាំងអស់ត្រូវរួមគ្នា ដើម្បីឱ្យបដិសណ្ឋារកិច្ចល្អក្លាយជារបៀបវារៈជាតិ ព្រមទាំងបានស្នើឱ្យមូលដ្ឋានអាជីវកម្មទេសចរណ៍ទាំងអស់ ត្រូវខិតខំប្រឹងប្រែងផ្ដល់សេវាប្រកបដោយបដិសណ្ឋារកិច្ចល្អប្រកបដោយស្នាមញញឹម រួសរាយរាក់ទាក់ និងប្រកបដោយជំនាញវិជ្ជាជីវៈច្បាស់លាស់ដល់ភ្ញៀវទេសចរ។
